„ევროპულმა საქართველომ” ვერ შეიძინა დამოუკიდებელი სახე, ვერც „ნაცმოძრაობას“ გაემიჯნა, ვერც ფანჩატურის საძმოს და საკუთარი უმარშრუტობის შესანიღბად ცდილობენ ახალი თემის შემოტანას საინფორმაციო სივრცეში“,- ასე გამოეხმაურა პარლამენტის პირველი ვიცე-სპიკერი გია ვოლსკი „ევროპული საქართველოს“ ერთ-ერთი ლიდერის, გიგა ბოკერიას განცხადებას, რომ „ახლა პარლამენტი კიდევ უფრო ერთპარტიულია”.
გია ვოლსკიმ „პატრიოტთა ალიანსის” ყოფილი წევრების პარლამენტში შესვლის შესახებ გადაწყვეტილებაზეც ისაუბრა.
„ევროპულის” მორგება კი იციან სათაურში, მაგრამ ვნახოთ რამდენად დაეფუძნება მათი საქმიანობა საუკეთესო ევროპულ მაგალითებს. ისე ფაქტია, რომ სახელმწიფოებრივად სწორი ნაბიჯი გადადგეს და დღეისათვის პარლამენტში ორი პოლიტიკური ძალაა წარმოდგენილი. იმედი მაქვს, რომ სხვა პოლიტიკური სუბიექტებიც არა მხოლოდ პარტნიორი ქვეყნების ინტერესების გათვალისწინებით, არამედ უმთავრესად საკუთარი ამომრჩევლის წინაშე პასუხისმგებლობით იმოქმედებენ”,- განაცხადა გია ვოლსკიმ.