ბალტიისპირეთის ქვეყნები ალექსეი ნავალნის დაკავების გამო რუსეთის წინააღმდეგ ახალი სანქციების დაწესებას ითხოვენ. ამის შესახებ „ტვიტერში“ წერს ლიეტუვის საგარეო საქმეთა მინისტრი გაბრიელიუს ლანდსბერგისი.
„რუსეთის ხელისუფლების მიერ ალექსეი ნავალნის დაკავება აბსოლუტურად მიუღებელია. ჩვენ ვითხოვთ მის დაუყოვნებლივ გათავისუფლებას. ევროკავშირმა უნდა იმოქმედოს სწრაფად, და თუ ნავალნის არ გაათავისუფლებენ, აუცილებელია შემზღუდველი ზომების დაწესების შესახებ მსჯელობა“, – ნათქვამია განცხადებაში, რომელსაც ასევე უერთდება ესტონეთი და ლატვიაც.
შეგახსენებთ, რომ რუსი ოპოზიციონერი ალექსეი ნავალნი 17 იანვარს მოსკოვის „შერემეტიევოს“ აეროპორტში დააკავეს, სადაც ის ბერლინიდან ჩავიდა.
კომენტარები