ჭრილობები რომ შეგვიხორცდეს, ამისთვის აუცილებელია, გვახსოვდეს. ზოგჯერ რთულია გახსოვდეს, მაგრამ განკურნებისთვის ამის გაკეთება აუცილებელია, – ამის შესახებ აშშ-ის არჩეულმა პრეზიდენტმა ჯო ბაიდენმა ვაშინგტონში, ლინკოლნის მემორიალთან განაცხადა, სადაც მან, არჩეულ ვიცე-პრეზიდენტ კამალა ჰარისთან ერთად, კორონავირუსით გარდაცვლილთა ხსოვნას პატივი მიაგო.
აღსანიშნავია, რომ პანდემიის დროს აშშ-ში დაღუპული 400 000 ადამიანის ხსოვნისადმი მიძღვნილი ღონისძიებები აშშ-ის ქალაქებში, მთელი ქვეყნის მასშტაბით გაიმართა.
ჯო ბაიდენის საინაუგურაციო კომიტეტის ინფორმაციით, მათ ამერიკელებს, ერთიანობის დემონსტრირებისთვის, საკუთარი სახლების ფანჯრებსა და ეკლესიებში სანთლების დანთებისა და ზარის დარეკვისკენ მოუწოდეს.
კომენტარები