იაპონიის პოლიციამ დააკავა ქალი, რომელიც საკუთარი ბინის საყინულეში დედის ცხედარს ინახავდა. ამის შესახებ ინფორმაციას BBC ავრცელებს.
48 წლის იუმი ოშინოს თქმით, მან დედის გარდაცვალეის შესახებ 10 წლის წინ გაიგო და ცხედარი დამალა, ვინაიდან არ უნდოდა ტოკიოს სახლიდან გამგზავრება, რომელშიც დედა-შვილი ერთად ცხოვრობდა.
პოლიციის განცხადებით ცხედარზე ჭრილობების კვალი არ შეინიშნებოდა. ამ დროისთვის დაუდგენელია ქალის სიკვდილის დრო და გარდაცვალების მიზეზი.
გავრცელებული ინფორმაციით, ცხედარი დამლაგებელმა მას შემდეგ აღმოაჩინა, რაც იუმი ბინის ქირის გადაუხდელობის გამო იძულებული გახდა ადგილი დაეტოვებინა.
კომენტარები