„თავისუფალი ზონის“ კიდევ ერთი წევრი რუსკა მჭედლიძე, სახელმწიფო უსაფრთხოების სამსახურში მოწმის სახით დაიკითხება. რუსკა მჭედლიძე უწყებაში 17:00 საათზე უნდა გამოცხადდეს.
„თავისუფალი ზონის“ წევრის საგამოძიებო უწყებაში დაბარება ინტერნეტში გასულ კვირას გავრცელებულ აუდიოჩანაწერს უკავშირდება, რასთან დაკავშირებითაც სუს-მა გამოძიება სახელმწიფო ხელისუფლების დასამხობად ან ხელში ჩასაგდებად შეთქმულების მუხლით დაიწყო.
ინტერნეტში გავრცელებულ ჩანაწერში, სავარაუდოდ, ყოფილი პრეზიდენტის მიხეილ სააკაშვილი და „ნაციონალური მოძრაობის“ ცალკეული წევრების საუბარია ასახული, რომლებიც რევოლუციურ სცენარს განიხილავენ.
აღნიშნულ საქმეზე სუს-ში გუშინ „თავისუფალი ზონის“ კიდევ ორი წევრი – მარიამ ბაშარული და ვაჟა მორგოშიაც დაიკითხნენ.
კომენტარები