აშშ-ის ახალმა ადმინისტრაციამ გერმანიიდან ამერიკელი ჯარისკაცების გაყვანის პროცესი შეაჩერა. ამის შესახებ აშშ-ის შეიარაღებული ძალების ევროპული სარდლობის ხელმძღვანელმა, გენერალმა ტოდ უოლტერსმა განაცხადა.
გენერალის თქმით, გერმანიიდან წინა ადმინისტრაციის დროს დაგეგმილი ჯარისკაცების გაყვანა დროებით შეჩერდა.
„ახალმა ადმინისტრაციამ შეგვატყობინა, რომ საჭიროა აღნიშნული პროცესის ყოვლისმომცველი შესწავლა. ყველა ვარიანტი იქნება შესწავლილი“, – განაცხადა შესახებ აშშ-ის შეიარაღებული ძალების ევროპული სარდლობის ხელმძღვანელმა
ტოდ უოლტერსის თქმით, ამჟამად აშშ-ის თავდაცვის მდივანი წინა ადმინისტრაციის მიერ მიღებული გადაწყვეტილების გადახედვის პროცესშია.
2020 წლის 29 ივლისს, აშშ-ის თავდაცვის მდივანმა, მარკ ესპერმა გერმანიიდან 11 900 ჯარისკაცის გაყვანა გამოაცხადა. მარკ ესპერმა აღნიშნა, რომ დაახლოებით 5 600 ამერიკელი სამხედრო იტალიასა და ბელგიაში იქნება დისლოცირებული.