შსს-ს, სუს-ისა და პროკურატურის თანამშრომლებმა სამი დღის განმავლობაში ჯოჯოხეთური შრომა გაწიეს, რათა გივი თარგამაძის მანქანის აფეთქებაში მონაწილე პირების იდენტიფიცირება მომხდარიყო, – ამის შესახებ შს მინისტრმა გიორგი მღებრიშვილმა ჟურნალისტებს განუცხადა.
გიორგი მღებრიშვილმა დეტალებზე საუბრისგან თავი შეიკავა, თუმცა აღნიშნა, რომ თითქმის ყოველ წუთში მომხდართან დაკავშირებით ახალი დეტალები ირკვევა.
მისივე თქმით, მოპოვებულია ისეთი მტკიცებულებები, რომლებმაც ყოველგვარ მოლოდინს გადააჭარბა.
„დაკავებულებს რაც შეეხება, დგინდება პირთა წრე, რომლებსაც კავშირი აქვს ამ საქმესთან. მიმალვაში იმყოფება ნაწილი. საგამოძიებო პროცედურები გრძელდება და ყველაფერს გაიგებთ უახლოეს პერიოდში. მინდა აღვნიშნო, რომ ყოველგვარ მოლოდინს გადააჭარბა, ისეთი მტკიცებულებები გვაქვს მოპოვებული. ეს უტყუარი მტკიცებულებები დასტურებს იმ პირების კავშირს დანაშაულთან, რომლებიც ამ ეტაპზე იდენტიფიცირებული არიან”, – განაცხადა გიორგი მღებრიშვილმა.