საქართველოს ექსპრეზიდენტი მიხეილ სააკაშვილი ”ნაციონალური მოძრაობის” წევრების არჩევნების მეორე ტურში მონაწილეობის აზრს ვერ ხედავს.
მისი თქმით, შემდგომი პერიოდი იქნება ძალიან რთული.
”ამ სიტუაციაში საუბარი იმაზე, რომ მეორე ტურში რამე შეიცვლება, სანამ მთავარი ფაქტორები არის იქ, უაზრობაა. მეორე ტურის წინ ივანიშვილს ნათქვამი აქვს, რომ მის კანდიდატებს გაამარჯვებინებს ყველა ოლქში. რა თქმა უნდა, დღევანდელი საარჩევნო სისტემის პირობებში ეს ასეც იქნება. ამიტომ, მე ვერ ვხედავ აზრს. რა თქმა უნდა, ყველა კანდიდატის ინდივიდუალური გადასაწყვეტია მეორე ტურში მონაწილეობა და ამით ლეგიტიმაცია ძალიან უხეში დარღვევებით ჩატარებული არჩევნების. რაც შეეხება შემდგომ მოქმედებებს, ახლა არ არის ხელების ჩამოშვების დრო. ჩვენ – ყველას კარგად გვესმის, რომ შემდგომი პერიოდი იქნება ძალიან რთული”, – განაცხადა სააკაშვილმა.