ირაკლი კობახიძე – თუ “ნაციონალები“ პარლამენტში არ შევლენ, ეს დემოკრატიულ პროცესებს წაადგება

„ეს იქნება მორიგი შეცდომა, დაშვებული იმ უსუსური პარტიის მხრიდან, რომელსაც ჰქვია „ერთიანი ნაციონალური მოძრაობა” – ასე გამოეხმაურა “ქართული ოცნების“ აღმასრულებელი მდივანი ირაკლი კობახიძე, “ნაციონალური მოძრაობის“ წევრების მიერ პარლამენტში შესვლაზე, უარის თქმის საკითხს.
ტელეკომპანია “პირველის“ ეთერში, გადაცემის წამყვანმა კობახიძეს მიმართა კითხვით – „რა მოხდება იმ შემთხვევაში, თუ „ნაციონალური მოძრაობა” პარლამენტში შესვლაზე უარს იტყვის?”
„ეს იქნება მორიგი შეცდომა, დაშვებული იმ უსუსური პარტიის მხრიდან, რომელსაც ჰქვია „ერთიანი ნაციონალური მოძრაობა”. ჩვენ არანაირად არ გვაინტერესებს, ასე გადაწყვეტენ თუ ისე, საბოლოო ჯამში, თუ საერთოდ არ შემოვლენ „ნაციონალები” პარლამენტში, ეს მხოლოდ და მხოლოდ წაადგება დემოკრატიული პროცესების განვითარებას”, – განაცხადა ირაკლი კობახიძემ.