22 ნოემბერს “პატრიოტთა ალიანსის” ყრილობა გაიმართება, – ამის შესახებ განცხადება დავით თარხან -მოურავმა გააკეთა.
მისივე განმარტებით, “პატრიოტთა ალიანსი” პარლამენტში შევა, თუმცა სხვა მნიშვნელოვან საკითხებზე მსჯელობა სწორედ ყრილობაზე გაიმართება, მათ შორის იმ საკითხზე, შედგება თუ არა აქციები.
“პატრიოტთა ალიანსის” ერთ-ერთმა ლიდერმა აღნიშნა, რომ პარტია არჩევნების შედეგებს არ ეთანხმება და ამ საკითხის გარშემო ბევრი პასუხგაუცემელი კითხვაა.
თარხან-მოურავმა დღეს ასევე ეჭვქვეშ დააყენა აჭარის უმაღლესი საბჭოს არჩევნების შედეგები. მან დღესვე არც დაადასტურა და არც უარყო გავრცელებული ინფორმაცია, თითქოს აჭარის უმაღლესს საბჭოში საკუთარ ადგილს სიის მეორე ნომერს, ბიზნესმენ ზაზა ოქუაშვილს უთმობს.
კომენტარები