ბაადურ წულაძე – გონორეას დროულად თუ არ მიხედავ, ძნელი მოსარჩენია, “ნაციონალებიც“ ასე გადავიდნენ საქართველოს ქრონიკულ დაავადებაში

მსახიობი ბაადურ წულაძე საპარლამენტო არჩევნების შედეგებს აფასებს. მისი განცხადებით, „ნაციონალურ მოძრაობას“ ვერაფერი მოუხერხეს, ისინი მაინც ერთნი არიან, მიუხედავად მათი დანაშაულებისა.
ამ თემის შესახებ ბაადურ წულაძე გაზეთ „ასავალ-დასავალს“ ესაუბრა.
„როგორც აღმოჩნდა, „ნაციონალებს“ ვერაფერი მოუხერხეს. ამ ხალხს მათი ლიდერების მიერ ჩადენილ რომელ დანაშაულზეც უნდა მიუთითო, რა ფოტოები და კადრებიც უნდა აჩვენო, მაინც ერთნი არიან – ყველა არჩევნებზე მიდის და ხმებს ვერავინ წაართმევს. ესენი ისეთი მოწამლულები არიან, მათი განკურნება შეუძლებელია და ერთად ივლიან მანამდე, სანამ არ ამოწყდებიან,“– აცხადებს მსახიობი.
გარდა ამისა, ბაადურ წულაძემ „ნაცმოძრაობა“დაავადება – გონორეას შეადარა.
„გონორეას დროულად თუ არ მიხედავ, ქრონიკულ ფორმაში გადადის და ძნელი მოსარჩენია, „ნაციონალებიც“ ასე გადავიდნენ საქართველოს ქრონიკულ დაავადებაში და ასე ადვილად ვეღარ მოვიშორებთ,“ – ამბობს ბაადურ წულაძე.
ასევე, მსახიობი არჩევნების მიმართ სხვა პარტიათა ლიდერების უკმაყოფილებასაც ეხმაურება. მისი თქმით, პოლიტიკოსმა საკუთარი შესაძლებლობები უნდა გაითვალისწინოს და არჩევნებში ისე მიიღოს მონაწილეობა.
„პოლიტიკოსი რომ ხარ, შენი შესაძლებლობები უნდა გაითვალისწინო. როცა იცი, რომ ვერ გაიმარჯვებ, მაგრამ არჩევნებში მაინც მონაწილეობ და სხვას ხმებს ართმევ – ამ შემთხვევაში, „ქართულ ოცნებას“ – რა შედეგს ელოდები? ამ „ნაციონალებს“ კი ხმებს ვერავინ ართმევს, თავიანთი ელექტორატი ჰყავთ და სანამ არ მოისპობიან, ბოლომდე ასე იქნება,“- აცხადებს წულაძე.