ვიცე-სპიკერ მანანა კობახიძის განცხადებით, ხელისუფლება დაინტერესებულია, საარჩევნო უბნებზე პროცესი მშვიდ ვითარებაში დასრულდეს.
ამის შესახებ პარლამენტარმა განმუხურის 38-ე საარჩევნო უბანთან ჟურნალისტებს განუცხადა.
“თუ რაიმე დაირღვა, სწორედ ამის გამო აქ ტარდება განმეორებითი არჩევნები. იქნებოდა ცუდი ის, რომ ხმები მაინც დათვლილიყო და იგნორირება მომხდარიყო ამ დარღვევების. სხვა შემთხვევაში, დაითვლიდნენ ხმებს, როგორც ეს აწყობდა ხელისუფლებას თავის დროზე – ძალადობით არჩევნების შედეგების დადება. კარგია, რომ დემოკრატიულ, თავისუფალ გარემოში ვატარებთ განმეორებით არჩევნებს. მთავარია, იყოს აქტიურობა და ყველამ თავისი ნება გამოხატოს ყოველგვარი ექსცესების გარეშე. ვართ მოსული მხარდასაჭერად და გვაინტერესებს, რომ იყოს სიმშვიდე. დღეს არის სხვა დრო, სხვა ვითარება და ხელისუფლება პირველ რიგში თავადაა დაინტერესებული იყოს სიმშვიდე, რაც აღიარა უკვე ყველაზე უფრო კვალიფიციურმა ორგანიზაციებმა, დამკვირვებლებმა – უპრეცედენტოდ მშვიდობიანი არჩევნები ჩავატარეთ 8 ოქტომბერს“, – განაცხადა კობახიძემ.