მიუხედავად რთული პერიოდისა, არცერთი პაციენტი, რომელიც სტაციონარულ მკურნალობას საჭიროებს, კლინიკის მიღმა არ არის, – ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე, დიმიტრი ხუნდაძემ „ქრონიკაში“ განაცხადა.
მისი თქმით, სამედიცინო სექტორი თავისი შესაძლებლობების ზედა ზღვართან არის ახლოს.
„ჯანდაცვის სისტემა ყურადღების მიღმა არ დატოვებს იმ პაციენტებსაც, ვისაც გეგმური სეგმენტი და გადაუდებელი ოპერაციები სჭირდება. არის ტრავმები, სხვადასხვა სამედიცინო შემთხვევა, როდესაც სწრაფი ჩარევა არის საჭირო, მაგრამ გარკვეული გეგმური ოპერაციების ნაწილი არის შეზღუდული და ეს სწორი გადაწყვეტილებაა.
მიუხედავად ამ რთული პერიოდისა, არცერთი პაციენტი, რომელიც სტაციონარულ მკურნალობას საჭიროებს კლინიკის მიღმა არ არის. სამედიცინო სექტორი თავისი შესაძლებლობების ზედა ზღვართან არის ახლოსაა. ამიტომ პირბადე, ვაქცინაცია და ფიზიკური დისტანცია აუცილებელია. შევეშვათ ქორწილებსა და თავშეყრის ადგილებს“, – განაცხადა დიმიტრი ხუნდაძემ.