მიუხედავად გლობალურად რთული ეპიდვითარებისა, საქართველოში, გასული დღეების განმავლობაში საკმაოდ რთული ეპიდემიოლოგიური ვითარება იყო, სტაბილურობის ტენდენცია შეინიშნება და ვფიქრობ, შემდეგი დღეები შედარებით ნაკლები სიმძიმით იქნება გამოხატული, ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე, დიმიტრი ხუნდაძემ „ქრონიკაში“ განაცხადა.
მისივე თქმით, რეგულაციებით, ფრთხილი სვლებით და საზოგადოების უდიდესი ნაწილის დამყოლობით, სტაბილურობა უკვე შესამჩნევია.
„თუმცა ამან ჩვენი ყურადღება არ უნდა მოადუნოს, რადგან ნებისმიერ დროს შესაძლებელია ვითარება გართულდეს და ეს დიდწილად დამოკიდებულია საზოგადოების ქცევაზე. ისევ რჩება უმთავრესი რეკომენდაცია, რომ პირბადე მოვიხმაროთ. ჯერ ეს მაჩვენებელი 60%-ზეც არ გვაქვს, არადა თუ 90%-მდე შევძლებთ პირბადის მოხმარება ავწიოთ, მაშინ ინფიცირება 30%-ით შემცირდება“, – განაცხადა დიმიტრი ხუნდაძემ.