პარადოქსია, რომ „ნაციონალურ მოძრაობას“, რომლის იუსტიციის მინისტრი ადეიშვილი იყო, დღეს რატი ბრეგაძის მიმართ აქვს სიძულვილის კამპანია გაჩაღებული. ერთ მხარეს არის კეთილსინდისიერება, პატრიოტიზმი და მაღალი კვალიფიკაცია, მეორე მხარეს კი – დანაშაულებრივი სისტემა, პოლიციური სახელმწიფო და ადამიანის უფლებების გათელვა“, – ამის შესახებ საპარლამენტო უმრავლესობის წევრი, რატი იონათამიშვილი Facebook-ის საკუთარ გვერდზე წერს.
მისი თქმით, რატი ბრეგაძე, ყველა პოზიციაზე ყოფნის დროს, ემსახურებოდა საქართველოს, განსაკუთრებით – თავდაცვის სამინისტროში.
„მე ეს, პირველ რიგში, სამშვიდობო მისიებში დაჭრილი სამხედროებისგან ვიცი. მაშინ, როდესაც, „ნაცმოძრაობის“ დროს, იუსტიციის სამინისტრო იყო გესტაპოს მსგავსი სადამსჯელო ორგანო. სინამდვილეში, რაც მეტს ისაუბრებენ რატის მიმართ სიძულვილის ენით, მით უფრო გამოავლენენ საკუთარ რეალურ სახესა და მიზნებს. ჩემი მხარდაჭერა რატი ბრეგაძეს!“, – წერს რატი იონათამიშვილი.