საქართველოს ყოფილი პრეზიდენტის, მიხეილ სააკაშვილის დედის გიული ალასანიას თქმით, მიხეილ სააკაშვილთან დაკავშირებით სალომე ზურაბიშვილის დღევანდელი განცხადება მისთვის იმედისმომცემია.
„სამწუხაროდ, მხოლოდ ფრაგმენტები მესმოდა, მაგრამ მომეჩვენა, რომ დადებითისკენ წავიდა ეს ყველაფერი, თითქოს, ამჯერად მისი გამოსვლა მისაღები და იმედისმომცემი იყო“, – განაცხადა გიული ალასანიამ.
კითხვაზე, გაქვთ მოლოდინი, რომ მიხეილ სააკაშვილი გადაყვანილი იქნება სამოქალაქო კლინიკაში, ალასანიამ განაცხადა, რომ სალომე ზურაბიშვილის დღევანდელმა განცხადებამ ამისი მოლოდინი გაუჩინა. „ამჯერად მაქვს ამის მოლოდინი, რაც პრეზიდენტის დღევანდელმა გამოსვლამ გამიჩინა“, – განაცხადა გიული ალასანიამ.
ამასთან, ოდნავ მოგვიანებით მან ჟურნალისტებთან საკითხზე კიდევ ერთი კომენტარი გააკეთა და აღნიშნა, რომ მოლოდინი აქვს, ვითარება ძალიან სწრაფად შეიცვლება.
„მოლოდინი მაქვს, რომ ძალიან სწრაფად შეიცვლება ვითარება, ამ გამოსვლამ ასეთი მოლოდინი გამიჩინა. უკვე დიდი ხნის წინ უნდა ყოფილიყო გადაყვანილი სამოქალაქო საავადმყოფოში“, – განაცხადა გიული ალასანიამ.