პოლონეთის ხელისუფლება უკრაინისათვის იარაღის მიწოდებაზე ბოლო 30 წლის განმავლობაში ყველაზე დიდ ხელშეკრულებას გააფორმებს. ხელშეკრულების მთლიანი ღირებულება 628 მილიონ დოლარს შეადგენს.
პოლონეთის პრემიერ-მინისტრის, მატეუშ მორავეცკის თქმით, ეს იარაღი ფრონტზეა საჭირო.
„ჩვენ ახლა ვაფორმებთ უკრაინაში იარაღის მიწოდების ერთ-ერთ ყველაზე დიდ ხელშეკრულებას ბოლო სამი ათწლეულის განმავლობაში. ეს იარაღი კარგად არის გამოცდილი და დღეს ჩვენ ვიცით, რომ ეს იქნება მნიშვნელოვანი ბრძოლის ველზე“, – აღნიშნა პოლონეთის პრემიერ-მინისტრმა.
მან აღნიშნა, რომ უკრაინისათვის იარაღის მიწოდებას ნაწილობრივ აფინანსებს ევროკავშირი, ხოლო ხელშეკრულების მთლიანი ღირებულება დაახლოებით 628 მილიონი დოლარია.
კომენტარები