უკრაინის პრეზიდენტმა ვოლოდიმირ ზელენსკიმ მოუწოდა უცხოურ კომპანიებს, შეწყვიტონ რუსეთში მუშაობა და, თავიანთი გადასახადებით, უკრაინის წინააღმდეგ ომი არ დააფინანსონ.
„კომპანიები რუსეთის ფედერაციის ბაზრიდან უნდა გავიდნენ. თუ შესაძლებელია, სამუდამოდ უნდა წავიდნენ ამ ქვეყნიდან. ჩვენთვის მთავარი ის კი არ არის, რომ რუსეთის ბაზარი დატოვონ, არამედ ის, რომ მათი გადასახადები არ იყოს გამოყენებული იმ იარაღის დასაფინანსებლად, რომლითაც რუსები გვკლავენ“, – აღნიშნა ზელენსკიმ.
ამასთან, მან აღნიშნა, რომ ისურვებდა, კომპანიებს რუსული ბაზარი არა მარტო დაეტოვებინათ, არამედ უკრაინის ბაზარზე შესულიყვნენ.
მისივე თქმით, უკრაინისთვის ახლა ძალიან მნიშვნელოვანია ახალი სამუშაო ადგილების შექმნის საკითხი, რაც ამ კომპანიებს შეუძლიათ.
კომენტარები