“უკრაინაში ანტიქართული პროპაგანდა მძვინვარებს და ამისთვის, კოლექტიური არახამიები აუცილებლად პასუხს აგებენ!”

ვატო შაქარაშვილი სოციალურ ქსელში პოსტს აქვეყნებს.

“უკრაინაში ანტიქართული პროპაგანდა მძვინვარებს და დღევანდელი ამაზრზენი ფაქტიც ამის შედეგია. ომის დაწყებამდე, წლების განმავლობაში უკრაინა, საქართველოდან გაქცეული დამნაშავეების თავშესაფარი იყო. ბევრი მათგანი უმაღლეს თანამდებობაზე დღემდე მუშაობს და ჩვენი ქვეყნის დანგრევის გამოცდილებით, ეხლა უკვე უკრაინის დანგრევაში მონაწილეობენ! 24 თებერვლიდან კი, საქართველოს ომში ჩათრევის კამპანია დაიწყო და ამ კამპანიის ფარგლებში არაერთი ღია განცხადება გაკეთდა, ფაქტობრივად არ დარჩენილა ოფიციალური პირი, რომელიც არ ჩართულა ამ გეგმის განხორციელების მცდელობაში!
მადლობა ღმერთს, ეს გეგმა ქართველი ხალხის სიბრძნით და არსებული ხელისუფლების მტკიცე, პრაგმატული პოლიტიკის შედეგად ჩავარდა. სწორედ ამ გეგმის წარუმატებლობამ განაპირობა ახალი ანტიქართული პროპაგანდის ხაზის გახსნა და ეს ყოველდღიურად სხვადასხვა ფორმით იჩენს თავს!
აღარ განვმეორდები, თუ რა გააკეთა საქართველომ უკრაინისთვის და როგორია ჩვენი ხალხის თანაგრძნობა მათ მიმართ, ყველამ კარგად ვიცით და ამიტომ არის ასეთი შეურაცხმყოფელი და გამაღიზიანებელი უკრაინელების მხრიდან ასეთი უსამართლო დამოკიდებულება!

ყველა უნდა დაისაჯოს, ვისაც ამ შედეგში წვლილი მიუძღვის! კოლექტიური არახამიები აუცილებლად პასუხს აგებენ!!!”