პირი, რომელმაც ანკარაში რუსეთის ელჩს ცეცხლი გაუხსნა, პოლიციის მიერ ლიკვიდირებულია. ამის შესახებ ინფორმაციას თურქული სახელმწიფო ტელეკომპანია NTV ავრცელებს.
“ჩვენ ვკვდებით ალეპოში, თქვენ აქ მოკვდებით”, – დაიყვირა თავდამსხმელმა და რუსეთის ელჩს ხუთი ტყვია ესროლა.
თვითმხილველებზე დაყრდნობით რუსულია მედია წერს, რომ ტერორისტი ყვიროდა „ალაჰ აქბარ“.
მათივე ცნობით, აღნიშნული ტერაქტი მიმართული იყო ელჩის წინააღმდეგ, რადგან გასროლის შემდეგ, თავდამსხმელმა ღონისძიებაზე დამსწრეთ საშუალება მისცა, საგამოფენო სალონის შენობა დაეტოვებინათ.
თურქეთში რუსეთის ელჩზე, ანდრეი კარლოვზე თავდასხმა დღეს საღამოს განხორციელდა. შემთხვევა მაშინ მოხდა, როდესაც ის ფოტოგამოფენას ესწრებოდა.
არსებული ინფორმაციით, მას ესროლეს.
ელჩი თავდაპირველად სამედიცინო ცენტრში გადაიყვანეს.
კომენტარები