რუსული რეალითი შოუ Game2, სადაც გაუპატიურება და მკვლელობა ნებადართული იქნება, შემდეგი წლიდან დაიწყება. ამის შესახებ ინფორმაციას The Independent Siberian Times-ზე დაყრდნობით ავრცელებს.
ზამთარში, სატელევიზიო შოუ Game2-ში, 30 კაცი და ქალი კონკურსანტი შეეცდება გადარჩეს ციმბირის ტყეში, სადაც გარეული ცხოველებიც იქნებიან, მათ შორის დათვი და მგელი. შოუს პრიზი 1.6 მილიონი ამერიკული დოლარია და ის 9 თვის განმავლობაში გაგრძელდება.
შოუში მონაწილეობის მისაღებად, მონაწილე ვალდებულია დაეთანხმოს რეალითი შოუს წესებს.
შოუს 2 ათასი კამერა 900 ჰექტარზე დააკვირდება. “ბრძოლა, ალკოჰოლი, მკვლელობა, გაუპატიურება, მოწევა, ყველაფერი ნებადართულია”- ნათქვამია შოუს სარეკლამო რგოლში.
თუმცა, მონაწილეები ვალდებულები იქნებიან დაექვემდებარონ რუსეთის კანონმდებლობას. შესაბამისად მკვლელობა, გაუპატიურება თუ სხვა დანაშაულებები რუსეთის კანონების მიხედვით დაისჯება.
თამაში ძალიან ჰგავს ცნობილი ფილმის, “შიმშილის თამაშების” სცენარს და სწორედ მის პრინციპებზეა დამყარებული.
http://1tv.ge/