ლაშა ფურცხვანიძის შემთხვევაში არცერთი წინაპირობა არ არსებობს საიმისოდ, რომ აღკვეთის ღონისძიება იყოს გამოყენებული, – ამის შესახებ ვაკის პარკში მომხდარი ტრაგედიის საქმეზე დაკავებული კომპანია ,,გრინსერვის +”-ის ხელმძღვანელის, ლაშა ფურცხვანიძის ადვოკატმა არჩილ ჩოფიკაშვილმა სასამართლო პროცესის დაწყებამდე განაცხადა.
„5 დღის განმავლობაში თანამშრომლობდა გამოძიებასთან და მისი მხრიდან არანაირი პრობლემა არ ყოფილა. თუ რაიმე საფრთხე არსებობდა, 5 დღე რას ელოდებოდა პროკურატურა და მისცა ბრალდებულს საშუალება, რომ თავისუფლებაზე ყოფილიყო. ფურცხვანიძე დღევანდელი მდგომარეობით კომპანიის დირექტორი აღარ არის, შესაბამისად მისი მხრიდან რაიმე საფრთხე არ არსებობს, მის ინტერესშია მხოლოდ ობიექტური გამოძიება”, – აღნიშნა არჩილ ჩოფიკაშვილმა.
კომენტარები