ვაკის პარკის ტრაგედიის საქმეში ბრალდებულმა, „გრინსერვის პლუსის“ დირექტორმა, ლაშა ფურცხვანიძემ სასამართლო პროცესზე სიტყვით ისარგებლა.
მან გირაოთი გათავისუფლება მოითხოვა და განაცხადა, რომ მიმალვას არ აპირებს.
„მორალურ პასუხისმგებლობას არ და ვერ გავექცევი. პირველივე დღეს 14 საათი გაგრძელდა ჩემი დაკითხვა, მეორე დღეს 16. არსად არ ვაპირებ გაქცევას, ჩემი მორალის გამო ვერ გავიქცევი. პირველ რიგში, ჩემი ინტერესი არის, გავიგო იქ რა მოხდა. ამ კომპანიის საქმიანობაში ჩართვასა და სამეწარმეო საქმიანობის გაგრძელებას არ ვაპირებ, არ ვაპირებ მოწმეებზე ზემოქმედებასაც, რაც შეეხება უცხოეთში მოგზაურობას, კი, ნამდვილად ვმოგზაურობდი, მაგრამ ეს მარტივად შეგიძლიათ აღკვეთოთ პასპორტის ჩამორთმევით“, – განაცხადა ფურცხვანიძემ.
კომენტარები