უკრაინის პრეზიდენტის აპარატის უფროსის მრჩეველმა, მიხაილ პოდოლიაკმა განაცხადა, რომ რუსი ოლიგარქების ჩამორთმეული ქონება უკრაინელი ხალხის საკუთრება უნდა გახდეს. ბავშვების სისხლმა და დანგრეულმა სახლებმა უნდა დაასრულოს ეს თემა, როგორც ყველაზე დამაჯერებელი არგუმენტი.
„რატომ გრძელდება ჯერ კიდევ უცნაური დისკუსია: რა ვუყოთ ჩამორთმეულ რუსულ 330 მილიარდ დოლარს და პუტინის ოლიგარქების იახტებს? დანგრეულმა ქალაქებმა და უკრაინელი ბავშვების სისხლმა უნდა დაასრულოს ეს თემა: რუ-აქტივები უნდა გადაეცეს უკრაინელ ხალხს. საბაბი საკმარისია. რუსეთმა უნდა გადაიხადოს“, – ამბობს ის.
როგორც ცნობილია, ევროკავშირმა რუსეთის წინააღმდეგ სანქციების ფარგლებში 17 მილიარდ ევროზე მეტი ღირებულების რუსული აქტივები გაყინა. ევროკომისარი იუსტიციის საკითხებში დიდიე რეინდერსი მიიჩნევს, რომ ამ თანხით უკრაინის აღდგენა შეიძლება.