ინდოეთის გუჯარატის შტატში ქვეითად მოსიარულეებისთვის განკუთვნილი ხიდის ჩამონგრევას სულ მცირე 90 ადამიანი ემსხვერპლა. გავრცელებული ცნობით, დაღუპულთა შორის არიან ბავშვებიც.
ინციდენტი ქალაქ მორბიში, მდინარე მაჩჰუზე მოხდა. 230-მეტრიანი ისტორიული ხიდი მე-19 საუკუნეში, ბრიტანეთის მმართველობის დროს აშენდა. რემონტის გამო, ხიდი ექვსი თვის განმავლობაში იყო დაკეტილი და გასულ კვირას გაიხსნა.
ხელისუფლების განცხადებით, ნგრევის დროს დაკიდებულ ხიდზე 150-ზე მეტი ადამიანი იმყოფებოდა. ინდოეთის გუჯარატის შტატის მთავარი მინისტრის თქმით, სამძებრო-სამაშველო ოპერაციაში ინდოეთის არმიის, საზღვაო ძალებისა და საჰაერო ძალების პერსონალი ჩაერთო.
კომენტარები