პირველი გამარჯვება, ვისაც მივულოცეთ და მოგვილოცა, ბატონი ბიძინა იყო – ადამიანი, რომელიც გულწრფელად იხარჯება და ქმნის, აუცილებლად შედეგსაც აძლევს, არა მარტო მას, არამედ მთელს ერს. ის ერთი სიხარული ღირდა ალბათ, მისთვისაც და ყველასთვის ამდენი მილიონების ხარჯვას, – ამის შესახებ საქართველოს რაგბის კავშირის პრეზიდენტმა, სოსო ტყემალაძემ „იმედის კვირას“ ბიძინა ივანიშვილის მიერ რაგბის განვითარებისთვის გაღებულ ქველმოქმედებაზე საუბრისას განუცხადა.
„ქველმოქმედება, ალბათ ისეთი სიღრმისეული ფრაზაა, რომელსაც ადვილად წარმოვთქვამთ, მაგრამ ხშირად ბოლომდე ვერ ვიაზრებთ იმის რეალურ შედეგებს. ქართული რაგბის, ბატონ ბიძინასა და საქველმოქმედო ფონდ „ქართუს“ ურთიერთობა ალბათ, სულ მცირე შვიდ თაობას მისწვდება“, – განაცხადა სოსო ტყემალაძემ.
ქართული სპორტის განვითარებისთვის ფონდ „ქართუსა“ და ბიძინა ივანიშვილს 126 მილიონი დოლარი აქვს დახარჯული. 22 წლიანი ქველმოქმედება ციფრებში, ნახეთ „იმედის კვირის“ რეპორტაჟში.