რუსეთმა გაანადგურა ხერსონის მთელი ენერგეტიკული სისტემა და მის აღდგენას დაახლოებით ერთი თვე დასჭირდება – ასე აფასებენ ენერგეტიკოსები ქალაქის ოკუპაციის შედეგებს.
უკრაინის ენერგეტიკული ინდუსტრიის უმსხვილესი კერძო ინვესტორის, კომპანია DTEK-ის აღმასრულებელი დირექტორი, დმიტრო საჰარუკი უკრაინულ მედიასთან აცხადებს, რომ ზოგიერთ დასახლებაში ელექტროენერგია საერთოდ არ არის.
მისივე თქმით, ისინი შეეცდებიან რაც შეიძლება მალე აღადგინონ ელექტროენერგია ხერსონის რაიონში და ამისთვის DTEK უზრუნველყოფს სპეციალისტებს, აღჭურვილობასა და საჭირო მასალებს.
„ჩვენ მზად ვართ მივახმაროთ ხალხი, აღჭურვილობა და მასალები, რათა დავეხმაროთ ენერგეტიკული ინფრასტრუქტურის აღდგენას ხერსონში და ხერსონის რეგიონის განთავისუფლებულ ტერიტორიაზე, რაც შეიძლება მალე“, – დასძინა საჰარუკმა.
მან გაიხსენა, რომ კიევის რეგიონის დეოკუპაციის შემდეგ, იქ ენერგოსისტემა 30 დღეში აღდგა და სავარაუდოდ, წინასწარი შეფასებით, იგივე დრო დასჭირდება ხერსონის რეგიონსაც