უკრაინის პრეზიდენტი, ვოლოდიმირ ზელენსკი დარწმუნებულია, რომ რაკეტა, რომელიც პოლონეთის ტერიტორიაზე ჩამოვარდა, არ იყო უკრაინული.
„ეჭვი არ მეპარება, რომ ეს არ იყო ჩვენი რაკეტა ან ჩვენი სარაკეტო დარტყმა. დარწმუნებული ვარ, რომ გამოძიებაში უნდა მივიღოთ მონაწ. მინდა ვიყოთ სამართლიანები და თუ ეს ჩვენი საჰაერო თავდაცვის სისტემის გამოყენება იყო, მაშინ ამის მტკიცებულება მჭირდება. პირველ რიგში გამოძიება, წვდომა და მონაცემები, რაც თქვენ გაქვთ“, – აღნიშნა მან.
მანამდე ნატოს გენერალურმა მდივანმა, იენს სტოლტენბერგმა განაცხადა, რომ წინასწარი მონაცემებით, პოლონეთში მომხდარი ინციდენტი, სავარაუდოდ, უკრაინის საჰაერო თავდაცვის სისტემის რაკეტით იყო გამოწვეული.
„წინასწარი ანალიზი მიუთითებს იმაზე, რომ პოლონეთში მომხდარი ინციდენტი, სავარაუდოდ, გამოიწვია უკრაინის საჰაერო თავდაცვის სისტემის რაკეტამ, რომელიც გაშვებული იყო უკრაინული ტერიტორიის რუსეთის ფრთოსანი რაკეტებისგან დასაცავად. თუმცა, ხაზს ვუსვამ, რომ ეს არაა უკრაინის ბრალი. სრული პასუხისმგებლობა ეკისრება რუსეთს, რომელიც აგრძელებს უკანონო ომს უკრაინის წინააღმდეგ“, – განაცხადა სტოლტენბერგმა.