ათენის ერთ-ერთი სასაფლაოს ტერიტორიაზე უცნობი პირები შეიჭრნენ და იქაურობა გაძარცვეს. არსებული ინფორმაციით, გაქურდულია 40 საფლავი – ინფორმაციას ამის შესახებ ბერძნული მედია ავრცელებს.
რამდენადაც დაუჯერებლად არ უნდა ჟღერდეს, მძარცველებმა საფლავიდან მიცვალებულების ძვლები წაიღეს.
ბერძნული სამართალდამცავი სისტემა 2 ვერსიას განიხილავს, თუ რისთვის დასჭირდათ მძარცველებს მიცვალებულთა ძვლების მოპარვა.
როგორც მედია იუწყება, ერთ-ერთი ვერსიით, მძარცველების ინტერესი, შესაძლოა გარდაცვლილების ოქროს კბილების აღმოჩენა და მოპარვა იყო. ხოლო მეორე ვერსიად კი, გარკვეული სახის რიტუალებს განიხილავენ. ბერძენი სამართალდამცველების ვარაუდით, ვინაიდან ძარცვის ღამეს მთვარის დაბნელება იყო, შესაძლოა ეს შემთხვევაც და გაძარცვული საფლავებიც რიტუალების ჩატარებას უკავშირდება.
კომენტარები