“ხერსონის მუზეუმები მთლიანად გაძარცვეს, ეს არის ნამდვილი თანამედროვე “რუსული კულტურა”

ქურდობა, ძარცვა, სხვისი კულტურული მემკვიდრეობის განადგურება – ეს არის თანამედროვე “რუსული კულტურის” ნამდვილი მნიშვნელობა, – წერს twitter-ზე უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი.

პოდოლიაკის ინფორმაციით, რუსმა ოკუპანტებმა ხერსონის მუზეუმი მთლიანად გაძარცვეს:

“გინდათ კულტურაზე ვისაუბროთ? რუსეთი მთლიანად ძარცვავს უკრაინული კულტურის ნებისმიერ ცენტრს, ართმევს ყველაფერს ჩვენს მუზეუმებს. ხერსონის მუზეუმები მთლიანად გაძარცვეს. ქურდობა, ძარცვა, სხვისი კულტურული მემკვიდრეობის განადგურება – ეს არის თანამედროვე “რუსული კულტურის” ნამდვილი მნიშვნელობა” – წერს პოდოლიაკი.