“სასამართლოს მხრიდან სააკაშვილის დისტანციურად ჩართვის საკითხზე წინააღმდეგობა არ შეგვხვედრია”

საქართველოს ყოფილი პრეზიდენტის, მიხეილ სააკაშვილის ადვოკატის, შალვა ხაჭაპურიძის განცხადებით, სააკაშვილის დისტანციურად ჩართვასთან დაკავშირებით სასამართლოს მხრიდან წინააღმდეგობა არ ყოფილა.

„სასამართლომ, ფაქტობრივად, ამ საკითხთან დაკავშირებით იმსჯელა და თქვა, რომ დაავალებდა პენიტენციურ სამსახურს, ჩართონ მიხეილ სააკაშვილი, რადგან ტრანსპორტირება ვერ ხერხდება. ანუ, სასამართლოს მხრიდან ჩვენ წინააღმდეგობა არ შეგვხვედრია. რაც შეეხება იმას, თუ როგორ მოგვარდება ეს ტექნიკურად, რადგან სააკაშვილი საავადმყოფოშია, ამისთვის სასამართლომ ორი კალენდარული სამუშაო დღე ითხოვა, გრაფიკი შემოგვთავაზა, ჩვენ ამ გრაფიკს დავეთანხმეთ და მზად ვართ, ვიმუშაოთ“, – აღნიშნა შალვა ხაჭაპურიძემ.