სპეციალურ საგამოძიებო სამსახურს მოცემულ საქმეზე აქვს გამოძიების კონკრეტული გეგმა და ჩვენ ყველაფერს ვაკეთებთ აღნიშნული გეგმის შესაბამისად, – ამის შესახებ სპეციალური საგამოძიებო სამსახურის გამომძიებელმა, ვასილ კაკაშვილმა ჟურნალისტებს „ვივამმედში“ მისვლისას განუცხადა.
მისი თქმით, მიხეილ სააკაშვილს ისინი თმისა და ფრჩხილის ნიმუშების აღებას კიდევ ერთხელ შევთავაზებენ.
„როგორც თქვენთვის ცნობილია, მიხეილ სააკაშვილის ადვოკატებმა მოითხოვეს ტოქსიკოლოგიური კვლევის ჩატარება თმისა და ფრჩხილის საფუძველზე. მოვედით, რომ კიდევ ერთხელ შევთავაზოთ ბატონ მიხეილ სააკაშვილს თმისა და ფრჩხილის ნიმუშების აღება და თანხმობის შემთხვევაში შესაბამისი კვლევის ჩატარება. ხაზი მინდა გავუსვა სპეციალური საგამოძიებო სამსახურის მიზანია, საქმეზე ობიექტური, ღია და გამჭვირვალე გამოძიების წარმოება და საზოგადოებაში არსებულ ყველა კითხვაზე ამომწურავი პასუხების გაცემა“, – განაცხადა ვასილ კაკაშვილმა.