ლეგენარული პელეს დაკრძალვაზე FIFA-ს პრეზიდენტმა, ჯანი ინფანტინომ განაცხადა, რომ ყველა ქვეყანას მიმართავს თხოვნით, რათა ერთ-ერთ საფეხბურთო სტადიონს პელეს სახელი მიანიჭონ. ეს თხოვნა პირველმა კაბო-ვერდემ შეასრულა.
ქვეყნის პრემიერ-მინისტრმა, ულისეს კორეირა ე სილვამ სოციალურ ქსელში გამოაქვეყნა განცხადება, რომ პრაიაში, ეროვნული გუნდის 15 000 ადამიანზე გათვლილ სტადიონს პელეს სახელი მიენიჭება:
„პელესადმი დიდი პატივისცემისა და აღიარების მიზნით განვიზრახავ, რომ ჩვენს ეროვნულ სტადიონს „პელეს სტადიონი“ ვუწოდო და დიდი იმედი მაქვს, რომ ამ ქმედებას მსოფლიოს სხვა ქვეყნებიც გაიმეორებენ“, – განაცხადა კაბო-ვერდეს პრემიერ-მინისტრმა.
ლეგენდარული პელე 82 წლის ასაკში, 29 დეკემბერს გარდაიცვალა. იგი 3 იანვარს, ქალაქ სანტოსის მემორიალურ სასაფლაოზე დაკრძალეს.
კომენტარები
