კლინიკა, რომელიც კანონის გვერდის ავლით გადაწყვეტს სამედიცინო პერსონალს ანაზღაურება კანონში შესული ცვლილებების შემდეგ დააკლოს, დაჯარიმდება. საუბარია პირველ იანვარს ძალაში შესულ დადგენილებაზე, რომლის მიხედვითაც სამედიცინო პერსონალის მინიმალური ხელფასი განისაზღვრა. ექიმების შემთხვევაში ეს საათში 7ლარია, ექთნებისთვის კი 4 ლარი და 40 თეთრი.
ახალი დადგენილებით სავალდებულოა ყველა კლინიკამ იხელმძღვანელოს, თუმცა როგორც ჩანს ნაწილი მაინც ცდილობს კანონი სათავისოდ მოირგოს. მათ შორის შესაძლოა აღმოჩნდეს კლინიკა „პინეო“, რომლის საქმესაც ჯანდაცვის სამინისტრო სწავლობს.
ეჭვები შიდა შეხვედრებზე გაჩნდა, სადაც კლინიკის ადმინისტრაციამ რეანიმატოლოგებს უთხრა, რომ მათ სამუშაო საათები არ უმცირდებათ, თუმცა, შესაძლოა შემცირდეს ანაზღაურება. კერძოდ, თუ აქამდე ექიმები საათში 10 ლარს იღებდნენ, ახლა შესაძლოა ეს თანხა 8 ლარამდე შემცირდეს.
კლინიკის ხელმძღვანელობა აცხადებს, რომ ბრალდებები უსაფუძვლოა.
დეტალები ნახეთ „ქრონიკაში“.