რუსეთის პრეზიდენტმა ვლადიმერ პუტინმა აშშ-ს არჩეულ პრეზიდენტ დონალდ ტრამპს ახალი წელი მიულოცა, ხოლო ობამას – არა.
კრემლმა რუსეთის პრეზიდენტის მილოცვის ტექსტი გაავრცელა, სადაც პუტინი ახალ წელს ულოცავს მსოფლიოს ლიდერებს, მათ შორის ბრიტანეთის დედოფალს, პრემიერ-მინისტრს, გერმანიის კანცლერს, საფრანგეთის პრეზიდენტსა და იაპონიის პრემიერმინისტრს.
ტექსტში ცალკე ადგილი ეთმობა დონალდ ტრამპისათვის გაგზავნილ საახალწლო სურვილებს.
ყოველწლიური მილოცვის განცხადების ტექსტში, პუტინი იმედს გამოთქვამს, რომ აშშ-ს სათავეში ტრამპის მოსვლის შემდეგ, ორივე ქვეყანა „იმოქმედებს კონსტრუქციულად და პრაგმატულად და გადადგამენ რეალურ ნაბიჯებს, რათა აღადგინონ ორმხრივი თანამშრომლობის მექანიზმი სხვადასხვა სფეროში“.
საახალწლო მილოცვაში პუტინი ხაზს უსვამს, რომ ამერიკა და რუსეთი, ბოლო რამდენიმე წლის განმავლობაში, მნიშვნელოვანი გამოწვევების წინაშე აღმოჩნდნენ.
„ეს გამოწვევები ადასტურებს, რომ რუსეთ-ამერიკის ურთიერთობა რჩება მსოფლიოში სტაბილურობისა და უსაფრთხოების დაცვის ერთ-ერთ მნიშვნელოვან ფაქტორად“ – აღნიშნულია პუტინის მილოცვის ტექსტში.
კომენტარები