რომელი ბინა მაქვს ნიუ-იორკში? ჩემი ძმა ცხოვრობს ნიუ-იორკში, კი ბატონო! ჩემი ძმის შვილი ცხოვრობს, აქვს მას ბინა – კი, ბატონო! სხვას ვის აქვს?, – ამის შესახებ „ქრონიკას“ პატიმარ მიხეილ სააკაშვილის დედამ, გიული ალსანიამ მისი შვილის აშშ-ში ქონებასთან დაკავშირებით განუცხადა.
მან განმარტა, თუ საიდან გადაუხადა ადვოკატებსა და ლობისტურ კომპანიებს თანხები.
„მილიონად გაიყიდა მამაჩემისგან მემკვიდრეობით მიღებული ქოშიგორაზე უზარმაზარი მიწის ნაკვეთი. აი, იქიდან მაქვს. კიდევ ჩემს შვილს მეგობრები ჰყავს უზარმაზარი და დრო და დრო რაღაცას მეხმარებიან. რა მილიონებზეა საუბარი?! ჩამოვიდა ადამიანი შიშველი ხელებით და ჩემს კისერზეა!
მე როდესაც მაგათთან მოვაწერე ხელი, ყოველთვის ეწერა „კონფიდენშალ“ და რას ჰქვია, გამოქვეყნდა? რატომ გამოქვეყნდა? სხვათა შორის, დასამალი არაფერი მაქვს, მაგრამ თქვენთან ანგარიშვალდებული მე არ ვარ“, – განაცხადა ალასანიამ.