ჩეხეთის ახლადარჩეულმა პრეზიდენტმა პეტრ პაველმა უკრაინის გამარჯვებისთვის სამი აუცილებელი პირობა დაასახელა:
„პირველი პირობაა, რომ ყველა სახელმწიფომ შეინარჩუნოს იარაღის მიწოდების იგივე დონე.
მეორე პირობაა ფინანსური მხარდაჭერა უკრაინისთვის, რაც შესაძლებელს გახდის ეკონომიკისთვის მიყენებული ზარალის კომპენსაციას, ხოლო მესამე პირობა – ევროკავშირმა შეინარჩუნოს სანქციების ამჟამინდელი პოლიტიკა, რათა თავიდან აიცილოს რუსეთის შემოსავლების აღდგენა” განაცხადა პეტრ პაველმა მიუნხენის კონფერენციაზე ჟურნალისტებთან საუბრისას.
პეტერ პაველმა ჩეხეთის საპრეზიდენტო არჩევნებში 2023 წლის იანვარში გაიმარჯვა და ახლა ოფიციალურად ემზადება თანამდებობის დასაკავებლად. ის ჩეხეთის რესპუბლიკის არმიის გენერალური შტაბის ყოფილი უფროსი და ნატოს სამხედრო კომიტეტის ყოფილი თავმჯდომარეა.