ამერიკის ხმის და რადიო თავისუფლების ყოფილი ჟურნალისტი გიორგი ჩხუბიანიშვილი სოციალურ ქსელში წერს, რომ ცნობილმა ტელეწამყვანმა სავიკ შუსტერმა უკრაინაში თავისი შოუ დახურა:
„სავიკ შუსტერთან 80-იან წლებში ვმეგობრობდი, როცა ის ჩვენთან მიუნხენში ჩამოდიოდა ხოლმე ფლორენციიდან, სადაც ცხოვრობდა ოჯახთან ერთად. ინტერვიუებს მაძლევდა, რაშიც ფულს ვუხდიდი რადიოდან. რას ვიფიქრებდი, რომ ბევრი წელი გავიდოდა და დღეს მესიამოვნებოდა მისი ტელევიზიის დახურვა. ერთმა სტუმარმა ამას წინათ უთხრა კიდეც შუსტერს, სააკაშვილის თანდასწრებით, რომ იმდენს აპიარებთ, თქვენი შოუ სააკაშვილის შოუდ გადაიქცა, ლამის მაგას მიჰყავს გადაცემა, თქვენ კი გვერდზე გადექითო… მორჩა კინო სააკაშვილისთვის, ვეღარ გამოაჩენს თავის ბუდკას მაგ შოუში, ხელების ქნევით, ღრიალით, ცოფებით და დორბლებით, “ -წერს ჩხუბიანიშვილი.
შეგახსენებთ, სოციალურ ქსელებში გავრცელდა ინფორმაცია იმის შესახებ, რომ სავიკ შუსტერის ტელეარხი 3s.tv 1 იანვრიდან წყვეტს მაუწყებლობას ფინანსური პრობლემების გამო.