ბახმუტის მიმართულებით ვითარება მუდმივად რთულდება, რუსები ანადგურებენ ყველაფერს, რაც ხელსაყრელია პოზიციების დასაცავად, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ შემაჯამებელ ვიდეომიმართვაში განაცხადა.
„ბახმუტის მიმართულება, სიტუაცია სულ უფრო და უფრო რთულდება, მტერი მუდმივად ანადგურებს ყველაფერს, რისი გამოყენებაც შესაძლებელია ჩვენი პოზიციების დაცვისთვის, კონსოლიდაციისა და თავდაცვისთვის“, – განაცხადა უკრაინის პრეზიდენტმა.
სახელმწიფოს მეთაურმა მადლობა გადაუხადა ჯარისკაცებს, რომლებიც იცავენ ბახმუტისა და ფრონტის სხვა უბნებს, ასევე მათ, ვინც ეხმარებიან სამხედროებს და ყველაფერს აკეთებენ იმისთვის, რომ დამცველებს მეტი გრძელვადიანი, ძლიერი იარაღი ჰქონდეთ.
კომენტარები