ე.წ. კატარგეითის სკანდალში, რომელმაც ევროპარლამენტი მოიცვა, შესაძლოა, 100 დეპუტატი იყოს გარეული. როგორც ReMix-ი წერს, ამის შესახებ პოლონელმა ევროპარლამენტარმა, დომინიკ ტარჩინსკიმ პოლონური რადიოსთვის მიცემულ ინტერვიუში განაცხადა.
მისივე თქმით, პოლონეთის შიდა უსაფრთხოების სააგენტომ გამოძიების დაწყებაში საკვანძო როლი შეასრულა და ინფორმაცია ბელგიურ მხარეს გადასცა. „სკანდალი გაგრძელდება, ახალი სახელებით და სამხილებით“, – აღნიშნა ტარჩინსკიმ.
23 თებერვალს Politico წერდა, რომ ევროპარლამენტში კორუფციის საქმის გამოძიების ფარგლებში 1,5 მილიონი ევროა ამოღებული, თუმცა ეს შესაძლოა ფულით სავსე აისბერგის მხოლოდ მწვერვალი იყოს.
კომენტარები