“ჩინეთის ხელისუფლებამ განაცხადა, რომ არ მიაწვდის რუსეთს იარაღს”

გერმანიის კანცლერმა, ოლაფ შოლცმა აღნიშნა, რომ ჩინეთის ხელისუფლებამ განაცხადა, რომ არ მიაწვდის რუსეთს იარაღს უკრაინის წინააღმდეგ ომისთვის.

„ჩვენ ვთანხმდებით, რომ არ უნდა იყოს იარაღის მიწოდება და ჩინეთის მთავრობამ განაცხადა, რომ არ მიაწვდის [რუსეთს იარაღს]. ჩვენ ამას დაჟინებით მოვითხოვთ და ვაკვირდებით სიტუაციას“, – აღნიშნა გერმანიის კანცლერმა.

„ვფიქრობ, რომ ამას [თუ ჩინეთი რუსეთს იარაღს მიაწოდებს] შედეგები მოჰყვება, მაგრამ ჩვენ ახლა ვართ ისეთ ეტაპზე, როდესაც მკაფიოდ ვაცხადებთ, რომ ეს არ უნდა მოხდეს და მე შედარებით ოპტიმისტურად ვარ განწყობილი“, – განაცხადა ოლაფ შოლცმა.