“უკრაინაში ომი მოლაპარაკებებით დასრულდება – თუმცა, ახლა არ არის სამშვიდობო მოლაპარაკებების დრო”

დიდი ბრიტანეთის პრემიერ-მინისტრმა, რიში სუნაკმა განაცხადა, რომ უკრაინაში ომი მოლაპარაკებებით დასრულდება.

საფრანგეთის პრეზიდენტ ემანუელ მაკრონთან შეხვედრაზე სუნაკმა აღნიშნა, რომ ის მხარს დაუჭერს პრეზიდენტ ვოლოდიმირ ზელენსკის, რომ მას საუკეთესო პოზიცია ჰქონდეს ამ მოლაპარაკებების გასამართად.

თუმცა, ბრიტანეთის პრემიერ-მინისტრმა აღნიშნა, რომ ახლა არ არის ამ სამშვიდობო მოლაპარაკებების დრო და დაადასტურა ვალდებულება უკრაინას დამატებითი დახმარება გაუწიოს, რათა მათ ბრძოლის ველზე უპირატესობა ჰქონდეთ.

„რა თქმა უნდა, ეს [ომი] დასრულდება, როგორც ყველა კონფლიქტი, მოლაპარაკების მაგიდასთან, მაგრამ ეს იქნება უკრაინის გადაწყვეტილება. ის, რაც ჩვენ უნდა გავაკეთოთ არის ის, რომ მათ საუკეთესო პოზიცია ჰქონდეთ, რათა ეს მოლაპარაკებები გამართონ შესაბამის მომენტში. მაგრამ ამ მომენტში პრიორიტეტი უნდა იყოს მათთვის რესურსების მიწოდება და მხარდაჭერა, რაც მათ სჭირდებათ წინსვლისა და ბრძოლის ველზე უპირატესობის შესაქმნელად“, – განაცხადა რიში სუნაკმა.