კიევ-პეჩორის ლავრის წინამძღვარი პავლე სასამართლოში მიიყვანეს. მანამდე მოსკოვის საპატრიარქოს დაქვემდებარებაში მყოფი უკრაინის მართლმადიდებლური ეკლესიის მიტროპოლიტის სახლში ჩხრეკა ჩატარდა. ამის შესახებ უკრაინული მედია იუწყება.
ის უკრაინის წინააღმდეგ რუსეთის აგრესიის გამართლებასა და რელიგიური სიძულვილის გაღვივებაშია ეჭვმიტანილი. ბრალდება მიტროპოლიტს უკრაინის უშიშროების სამსახურმა უკვე წაუყენა და მისი სატელეფონო საუბრების ჩანაწერებიც გამოაქვეყნა.
სასამართლოს გადაწყვეტილებით, კიევ-პეჩორის ლავრა მოსკოვის დაქვემდებარებაში მყოფი უკრაინის მართლმადიდებლური ეკლესიის წარმომადგენლებს 29 მარტს უნდა დაეტოვებინათ, თუმცა სამონასტრო კომპლექსიდან გასვლაზე უარს ამბობდნენ და ლავრის ტერიტორიაზე ხელისუფლების წარმომადგენლებს არ უშვებდნენ.
კომენტარები