“უკრაინის ნატოში გაწევრიანების საკითხის განხილვა ნაადრევია”

ბრიტანეთის საგარეო უწყების ხელმძღვანელი მიიჩნევს, რომ უკრაინის ნატოში გაწევრიანების საკითხის განხილვა ნაადრევია.

ჯეიმს კლევერლიმ გამოცემა Politico-ს განუცხადა, რომ გაერთიანებული სამეფო უკრაინის ალიანსში შესვლის მომხრეა, თუმცა ამ ეტაპზე უფრო მნიშვნელოვანია კიევს რუსეთის აგრესიის მოგერიებაში დაეხმარონ.

„თავისთავად, არსებობს ვალდებულება წარვუდგინოთ უკრაინას ნატოში გაწევრიანების გზა. თუმცა ამ ეტაპზე პრიორიტეტი, რა თქმა უნდა, მათი თავდაცვის საკითხია – აქ და ახლა“, – განაცხადა მინისტრმა.