აშშ-ის ყოფილი პრეზიდენტი დონალდ ტრამპი ნიუ-იორკის გენერალური პროკურორის ოფისში მივიდა, სადაც მას სამოქალაქო თაღლითობის საქმეზე დაკითხავენ. პროცესი დახურულ კარს მიღმა გაიმართება.
ნიუ-იორკის გენერალური პროკურორის ოფისთან შეერთებული შტატების 45-ე პრეზიდენტს რამდენიმე აქტივისტი ბანერებით დახვდა, რომელზეც განთავსებული იყო შემდეგი წარწერა: „კანონზე მაღლა არავინ დგას“.
აღნიშნული სარჩელით დონალდ ტრამპს ადანაშაულებენ ათწლეულების განმავლობაში ქონებრივი ღირებულებებით მანიპულირებაში ხელსაყრელი სესხებისა და საგადასახადო შეღავათების მისაღებად.
საქმის სასამართლო პროცესი 2 ოქტომბერს არის დაგეგმილი.
კომენტარები