რუსეთში, უკრაინისა და ბელარუსის საზღვართან მდებარე სარკინიგზო მაგისტრალზე აფეთქების შედეგად, მატარებელი ლიანდაგიდან გადავარდა.
როგორც ბრიანსკის ოლქის გუბერნატორი, ალექსანდრ ბოგომაზი იუწყება, ასაფეთქებელი მოწყობილობა ბრიანსკ-უნეჩის სარკინიგზო მაგისტრალზე იყო დამონტაჟებული. მისი ამოქმედების შემდეგ მატარებლის ლოკომოტივს ცეცხლი მოედო და შვიდი ვაგონი რელსებიდან გადავარდა. მატარებლით ნავთობპროდუქტები გადაჰქონდათ.
აფეთქების შედეგად არავინ დაშავებულა. ადგილზე ოპერატიული სამსახურები და ქალაქის სახანძრო ბრიგადები მუშაობენ.
კომენტარები