დღეს, 13 მაისს, 42 წელი შესრულდა ქართული ფეხბურთის ყველაზე მნიშვნელოვანი გამარჯვებიდან – 1980-1981 წლების სეზონის თასების მფლობელთა თასის გათამაშების ფინალში, თბილისის „დინამო“ იენის „კარლ ცაისს“ დაუპირისპირდა და 2:1 დაამარცხა.
1981 წლის 13 მაისს, დიუსელდორფში მიღწეული წარმატება პირველი და დღემდე ერთადერთი ტიტულია, რომელიც ქართულმა გუნდმა ევროთასებზე მოიპოვა. მაშინ გერმანია ორად იყო გაყოფილი და ფინალი მის დასავლეთ (ფედერაციული რესპუბლიკა) ნაწილში მდებარე ქალაქ დიუსელდორფში გაიმართა.
ქართველმა ფეხბურთელებმა, ფაქტობრივად, გასვლაზე ითამაშეს, რადგან გაყოფილი გერმანიის აღმოსავლეთ ნაწილის (დემოკრატიული რესპუბლიკის) ერთ-ერთ უძლიერეს კლუბს და ამ ქვეყნის ეროვნული ნაკრების ერთ-ერთ საბაზო გუნდს, იენის „კარლ ცაისს“ დაუპირისპირდნენ და 2:1 დაამარცხეს.
კომენტარები