ტერორისტულ ორგანიზაციაში გაერთიანებისა და ტერორისტულ საქმიანობაში დახმარების ბრალდებით შვიდივე დაკავებულს სასამართლომ წინასწარი პატიმრობა შეუფარდა. დაკავებულები წარდგენილ ბრალს არ აღიარებენ და დუმილის უფლებას იყენებენ.
საქმეს გრიფით საიდუმლო ადევს და შესაბამისად, მხარეები საქმის მასალებთან დაკავშირებით, დეტალურად არ საუბრობენ.
პროკურორის განცხადებით, საქმეში არსებული მასალები და ამოღებული ნივთმტკიცებულებები, ტერორისტულ ორგანიზაციებთან დაკავებულების თანამშრომლობას ადასტურებს. საქმეში სავარაუდოდ დევს ელექტრონული ინფორმაციაც, სადაც ევროპისა და ამერიკის შეერთებული შტატების ზოგიერთი ქალაქის რუკები და სქემებია ასახული.
კომენტარები