ფაქტობრივად, შეიძლება ითქვას, რომ არჩევნებისთვის მზადება დაწყებულია, – ამის შესახებ თბილისის მერმა, კახა კალაძემ „ქართული ოცნების” ისნის, სამგორის, კრწანისისა და მთაწმინდის ორგანიზაციების კონფერენციის ფარგლებში ჟურნალისტებთან განაცხადა. მისი თქმით, მოხდება რაიონული პარტიის ორგანიზაციის თავმჯდომარეებისა და ბიუროს წევრების არჩევა.
„ეს პროცესი გაგრძელდება და გვინდა, რომ მთელი საქართველოს მასშტაბით ყველა რაიონში ჩავიდეთ და შევხვდეთ ჩვენი პარტიის წარმომადგენლებს. დღეს საუბარი გვექნება სხვადასხვა საკითხებზე, გამოწვევებზე, პრობლემებზე, თუ რა არის გასაკეთებელი. ფაქტობრივად, შეიძლება ითქვას, რომ არჩევნებისთვის მზადება დაწყებულია”, – განაცხადა კალაძემ.
კომენტარები