ჩრდილოეთ კორეის ლიდერის დამ, კიმ იო ჩჟონმა გასულ კვირაში გამართული გაეროს უშიშროების საბჭოს სხდომა გააკრიტიკა, რომელიც ფხენიანის მიერ რაკეტის წარუმატებელ გაშვებას ეძღვნებოდა.
„ძალიან უკმაყოფილო ვარ იმით, რომ გაეროს უშიშროების საბჭო ასე ხშირად მოუწოდებს პასუხისმგებლობისკენ ჩრდილოეთ კორეას, რომელიც თავის უფლებას ახორციელებს. ეს სხდომა ქვეყნის შიდა საქმეებში ჩარევის ყველაზე უსამართლო აქტს წარმოადგენდა“, – განაცხადა კიმ ჩენ ინის დამ.
მან ასევე განაცხადა, რომ გაეროს უშიშროების საბჭო ცდილობს, ცალმხრივად წაართვას ჩრდილოეთ კორეას სუვერენიტეტი და არსებობისა და განვითარების უფლება.
კომენტარები